"Барселона" яримҳимоячиси Хави Эрнандес ўтган қиш ойида бош мураббий Херардо Мартино ўрнига жамоани бошқариши мумкин эди, дея хабар беради AS.
Гап шундаки, Мартино клубнинг собиқ президенти Сандро Росель каби истеъфо беришга тайёргарлик кўраётган эди. Айнан Росель аргентиналик мутахассиснинг бош мураббий вазифасига олиб келган эди.
Янги президент Хосеп Бартомеу ва спорт директори Андони Субисаретта Мартинонинг фефраль ойида истеъфо беришини назарда тутиб, жамоани бошқаришни Хавига топширмоқчи бўлганлар.
Хави ўйновчи мураббий бўлиши кўзда тутилган эди. Аммо Мартино фикридан қайтди ва Хави тайинланмади. Қизиғи, Хавининг ўзи бу ҳақда ҳеч нарса билмаган.
