Хабарингиз бор, Чили терма жамоаси ўз гуруҳида Испания ва Австралияни ортда қолдириб иккинчи ўринни эгаллади ва нимчорак финалда Бразилия терма жамоасига қарши майдонга чиқади. Ушбу ўйин ҳақида Чили терма жамоаси ҳужумчиси Алексис Санчес ўз фикрларини билдриб ўтди.
"Менимча, Бразилия энг яхши ҳимояга эга бўлган жамоа. Ҳимоячилар ўз терма жамоаларида ажойиб ўйин намойиш этмоқдалар ва мен Бразилия терма жамоаси ҳамда Неймарга қарши майдонга чиқишимиздан бахтиёрман. Мен ҳакамдан хавотирланяпман, бироқ ҳаммасини ўйинда кўрамиз".
Шунингдек, Санчес 28 июнь оқшомида ўзининг"Барселона"даги клубдошларига қарши баҳс олиб боришидан хурсанд эканлигини ҳам айтиб ўтди.
"Мен Бразилияга қарши ўйнаётганимдан бахтиёрман, Неймар, Алвеш каби клубдошларимга қарши ўйнаётганимдан хурсандман ва бу ўйиндан кўпроқ роҳатланишим ҳам бор гап. Яна мени футболчи сифатида ва жамоанинг бир аъзоси сифатида руҳлантирган нарса бу ўзимизни кўрсатиш фурсати етганлиги. Мен рачибларимизни ҳурмат қиламан, улар буюк жамоа ва буюк футболчилар".
Эслатиб ўтамиз, Бразилия - Чили терма жамоалари ўртасидаги нимчорак финал баҳси 28 июнь куни ўтказиладм ва ушбу ўйинни Ховард Уэбб бошқариб боради.
