Бельгия терма жамоаси яримҳимоячиси Аксель Витцель жаҳон чемпионати плей-оффида АҚШ терма жамоасига қарши ўйин олдидан фикрлари билан ўртоқлашди.
"Плей -офф, бизнинг мураббийимиз айтганидай - янги мусобақа. Биз бунга тайёрмиз. Умид қиламанки, яхши футбол намойиш қилиб, чорак финалга йўл оламиз. Агар эртага ютқазсак, бу биз учун қоқилиш бўлади.
Биз ўйинга яхши тайёргарлик кўрганмиз. Майдонда 120 дақиқа ўйнашга тайёрмиз. Ўйинни қандай назорат қилишни биламиз.
Азар - ўйиннинг боришига таъсир қила оладиган ўйинчи. Эртага у ўзининг энг яхши ўйинларидан бирини ўтказади деб умид қиламан.
Куртуа - энг яхши дарвозабон. У ҳар доим хотиржам. Агар кўп жиҳатдан АҚШ билан кучимиз тенг бўлиб қоладиган бўлса - бизда Куртуа бор", - дейди Витцель.
