Ўзбекистон кубоги ярим финал жавоб учрашуви доирасидаги "Пахтакор" - "Локомтив" ўйинидан сўнг "Локомотив" бош мураббийи Вадим Абрамов ўйин ҳақида ўз фикрларини билдириб ўтди.

“Рақиб тезкор гол киритишни уддалади. Лекин ўтказиб юборилгандан кейин ҳам шогирдларим ўзларини йўқотиб қўйишмади ва керакли натижага эришдик. Айрим вазиятларда футболчилар жароҳат олишди ва бу мухлисларга футболчилар худди вақтни чўзаётгандек туюлди. Бироқ ундай эмас. Агар шундай ҳолат бўлган бўлса мухлислардан узр сўрайман. Вақт чўзиб ўйналадаиган ўйин менга ҳам ёқмайди.", - деб гап бошлади Абрамов.

- Матбуотда иккинчи даврада "Локомотив" сафида легионерлар пайдо бўлиши ҳақида ёзишмоқда. Умуман таркиб борасида давралар оралиғида жамоа таркибида ўзгариш бўладими?

- Сафимизни Гоголь аллақачон тарк этган. Ҳозирча ўзгариш шу. Бироқ, аниқ айтишим муминки, биз легионерни сотиб олмаймиз. Ҳеч қанақа Бразилия ёки португалиялик футболчилар келмайди.

- Қайси жамоа билан финалда ўйнашни истайсиз?

- Қайси жамоани финалда юта олсак, ўша жамоа тушгани маъқул.