Ўзбекистон кубоги, ярим финалидан ўрин олган "Насаф" ва "Бунёдкор" жамоалари ўртасидаги жавоб ўйинидан кейинги матбуот анжуманининг иккинчи қисмида “Насаф” устози Рўзиқул БЕРДИЕВ ўз фиклари билан ўртоқлашди.

— “Бунёдкор”ни табриклайман финалга йўлланма олгани билан. Бугун улар яратилган имкониядан самарали фойдаланиб, ўзлари учун керакли бўлган натижани қайд эта олишди. Чунки уларда вазиятлардан фойдалана оладиган ҳужумчилар бор. Бизда эса бу борада жиддий муаммолар бор. Агар кўрган бўлсанглар, “Бунёдкор” билан иккита ўйинда ўнга яқин голли вазиятлар содир этган бўлсакда, ундан фойдалана олмадик. Шу сабаб бугун улар ҳақли равишда кейинги босқичга йўл олишди. Шунга қарамай, бугунги ўйин учун йигитларимизга миннатдорчилик билдираман. Ҳаёт давом этади. Энди чемпионат беллашувларига асосий эътиборни қаратамиз.