Бельгия терма жамоаси бош мураббийи Марк Вильмотс ЖЧ-2014 чорак финалида Аргентинага қарши учрашув олдидан ўз шогирдларини яримфиналига чиқишига ишонмоқда.
Учрашув 5 июль куни, Тошкент вақти билан 21:00да бошланади.
"Чорак финалгача етиб келдик, энди ундан узоғига ҳам ҳаракат қилишимиз керак. Бельгия термасининг ҳозирги авлоди тарих яратмоқда ва ўз салоҳиятини намойиш этмоқда.
Йигитлар учун юқори марра қўйган эдим, энди янада юқори марра қўйдим. Эришилган муваффаққиятда тўхтаб қолмаслигимиз керак. Ўз савиямизни борича кўрсатишимиз керак. Кейинги ўйингача дам олиш учун вақтимиз кам.
Бизнинг рақибимиз Аргентина терма жамоаси, Месси эмас. Швейцария бу жамоага қарши қандай ҳаракат қилиш кераклигини кўрсатди.Бу ажойиб ўйин эди. АҚШга қарши учрашувда вазиятлар жуда кўп бўлди, аммо Аргентина яхши ҳимоялана оладиган жамоа. Кўрамиз, нима қила олар эканмиз, бу борада бир-икки ғояларим бор", - дейди Вильмотс.
