«Р-Спорт» нашрининг хабарига кўра, Россия терма жамоаси бош мураббийи Фабио Капелло 3 октябрь куни ўтказиладиган Россия Давлат Думасининг йиғилишида қатнашади.
Шу куни депутатлар Россия терма жамоасининг 2018 йилги Жаҳон чемпионатига тайёргарлик режалари ҳақида Капеллонинг ҳисботини тинлаши кутилмоқда. Шунингдек, ушбу йиғилишда Россия Футбол Иттифоқи ва Спорт ишлари вазирининг ҳисоботи ҳам тингланади.
Парламентнинг Жисмоний тарбия ва спорт ишлари қўмитаси вакили Игорь Ананскийнинг айтишича, депутатлар Капеллонинг терма жамоани кучайтириш ҳақидаги режаларини билишни хоҳламоқда. Ананскийнинг фикрига кўра, ҳозирги терма жамоа сўнгги 15-20 йилдаги энг кучсиз терма жамоа. Россия термаси кучайиши учун камида беш ёки олти лигионер футболчи термада ўйнаши шарт.
Хабарингиз бор, Россия терма жамоаси Бразилиядаги жаҳон чемпионатида гуруҳ баҳсларидаёқ мусобақадаги иштирокини якунлади. Улар Бельгия ва Жазоирдан кейин гуруҳда учинчи ўринни қўлга киртишди.
