Бразилия терма жамоаси бош мураббийи Луис Фелипе Сколари ЖЧ-2014 чорак финалида Колумия терма жамоаси билан учрашув олдидан рақибни мусобақа безаги деб атади.
- Колумбия қайси томонлама Бразилиядан кучли?
- Бу жамоа тўла тартибли. Жуда ҳам жипслашган, тактик жиҳатдан кучли. Колумбияликларнинг техникаси жуда ажойиб ва ниҳоят Колумбияда Хамес Родригес ва Хуан Куадрадо каби ўйинчилар бор. Мусобақани безагани учун бу жамоага раҳмат.
Аммо, биласизми, у менинг жамоамдан фарқ қилмайди. Колумбияга нисбатан айтган гапларимни Бразилияга нисбатан такрорлашим мумкин. Шунинг учун бизни буюк ўйин кутмоқда. Бу ўйинда биринчи киритилган гол ва мухлислар қўллаши катта роль ўйнайди.
- Чили термаси юзага келтирган муаммолардан кейин Колумбия техникасида қўрқмайсизми?
- Биз бунақа муаммо бўлмаган. Футболда натижани техника ҳал қилмайди, биз буни исботладик.
- Колумбия билан Чилини таққослай оласизми?
- Чилиликлар руҳан кучли ва жанговарлар. Улар охирги дақиқагача курашадилар. Колумбияликлар ҳақида ҳам шуни айтишим мумкин ва қўшимча қиламан: уларнинг бироз техникаси кучли ва тезкорроқ. Умуман олганда Колумбия Чилидан устунроқ. Аммо бизда ҳам санаб ўтган сифатлар бор. Ҳисобга қарша керак эмас, ким узоққа бораётганини қаранг. Аргентина ва Эрон қандай ўйин бўлди, эслай олмайсизми? Ҳозир Аргентина қаёқдаю, Эрон қаёқда? Бизни олдиндан танқид қилаверманг, шуни айтишни истар эдим. Биз жангга тайёрмиз.
- Сизга ҳимояланаётган жамоага қарши ўйнаш қулайроқми ёки ҳимояда ўйнаган маъқулми?
- Ёпилиб олмаган, ҳужумга ўтиб турадиган рақибга қарши ўйнашни хуш кўраман. Очиқ футбол бу - ҳақиқий футбол. Бунда голлар туғилади. Чорак финал қандай бўлмасин, биламан - у жуда ҳам қийин бўлади, - дейди Сколари.
