Франция терма жамоаси яримҳимоячиси Блез Матюиди жаҳон чемпионати чорак финалида Германияга қарши ўйин олдидан фикрлари билан ўртоқлашди.

"Бир йил олдинги ўзаро учрашув натижасига қарасак - олдинда турган ўйиннинг фаворити - Германия (бир йил олдин ўртоқлик учрашувида Германия 2:1 ҳисобида ютган). Аммо бир учрашувда ҳамма нарса бўлиши мумкин. Ўшанда биз 4-4-2 схемасида ўйнаган эдик. Плеймейкерлик вазифасини бажарган Ўзил чизиқларимиз ўртасида бемалол сайр қилиб, бизга жуда кўп муаммо келтирган эди. Энди биз кучлироқмиз, пайшанба куни бошқача ўйин бўлади.

Менинг ота-онам Анголадан келиган. Улар фуқаролар уруши даврида ватанларини тарк этишган. Францияга келгунларича, бир муддат Зоирда яшашган (Ҳозирда - Конг ДР). Мен аждодларим билан фахрланаман, аммо қалбим тубида ҳар доим Франция учун ўйнаш истаги бўлган", - дейди Матюиди.

Эслатиб ўтамиз, Франция ва Германия ўртасида учрашув бугун, 4 июль куни Тошкент вақти билан 21:00да бошланади.