ЖЧ-2014 чорак финалида Коста-Рика устидан пенальтилар сериясида ғалаба қозонган (4:3) Голландия термаси бош мураббийи Луи Ван Гал фикрлари билан ўртоқлашди.
"Биз буни ўйиндан олдин режалаштирган эдик. Ҳар бир ўйинчининг ўзига хос хислати бўлади. Крул - жамоада пенальти қайтаришнинг устаси. Ўйингача хаёлини бўлмаслик учун асосий посбон Силессенга бу ҳақда ҳеч нарса демаган эдик.
Асосий вақт давомида битта ўзгартириш қилдим, сабаби пенальтилар серияси эмас, ҳамма яхши ўйнаётган эди. Крул ҳақида қўшимча вақтда ўйлай бошладим, бунгача бир неча алмаштириш талаб этилаётган эди. Бу трюк омадли чиққанидан хурсандмиз.
Тўп билан қанча муомала қилдик, неча марта зарба бердик, улардан нечтаси дарвоза соҳасига борди, буларнинг ҳаммаси футболда бир нарсанинг устунлигини кўрсатади - гол уриш.
Ҳозирги Голландия термаси - мен ишлаган пайтимдаги энг яхши жамоа. Мен буни ишнинг биринчи ҳафтасидаёқ сезганман", - дейди Ван Гал.
