Москванинг "Спартак" клуби бош директори Роман Асхабадзенинг фикрича, россиялик футболчилар яхши маошдан айрилиб қолишдан қўрқиб Европа клубларига боришмас экан.
"90-йилларда кўп россиялик футболчилар Европада харидоргир эди ва у ерда зафар қучишган: Мостовой, Карпин, Онопко, Канчельскис, Шалимов ва бошқалар. Бу футболчилар обрў учун ҳам, яхши шартнома учун ҳам у ерга йўл олишган.
Ҳозир Ғарбий Европа чемпионатларида бирорта ҳам рус футболчисини кўрмаймиз. Умуман олганда, у ерга боришга интилмаяптилар ҳам. Ҳеч ким маошини йўқотишни истамаса керак. Футболчиларимиз Европада Россия чемрпионатида топадиган пулларини топа олмадйилар, Агар "Реал", "Барселона", "МЮ" ёки "Мансити" клублари демасак. Аммо бу клубларга рус футболчилари ҳам қизиқ эмас.
Бу ерда кўп футболчилар пул ишлаб топишмайди - пул олишади. Ҳа, айнан олишади - фарқни сезяпсизми? Ҳатто Испания чемпиони "Атлетико"да ҳам футболчиларнинг йиллик маоши ўртача 1 миллион евро ва футболчиларда ўзини кўрсатиш ва суперклубларга ўтиш орзуси йўқолмайди", - дейди Асхабадзе.
