Лондоннинг "Арсенал" клуби "Барселона"дан Алексис Санчесни ўз сафига қўшиб олганлиги ҳақида хабар берган эдик. "Арсенал" устози Арсен Венгер чилилик футболчи ҳақида ўз фикрларини билдириб ўтди.
"Кўпчилик Жаҳон чемпионатини кузатиб шунга амин бўлдики, Алексис фантастик футболчи ва шундай футболчининг "Арсенал" футбол клубига келиб қўшилганидан хурсандмиз. Санчес бизнинг ўйинимизга куч, ижодкорлик ва сифат қўшади. Барчамиз унинг яқин ҳафталарда сафимизга келиб қўшилишини интизорлик билан кутяпмиз. У бир неча мавсумдан буён юқори савияда ўйин намойиш этиб келмоқда ва "Арсенал" сафида ҳам худди шундай ўйин намойиш этишини истаймиз. Ишончим комилки, "Арсенал" мухлислари менга қўшилиб унинг клубга келиши олқишлайди ва муносиб кутиб олишади".
