"Реал" жамоасининг собиқ ҳимоячиси Фернандо Йерро бундан буён жамоа бош мураббийи Карло Анчеллотининг ёрдамчиси вазифасида ишлайди, деб хабар бермоқда клуб расмий сайти.

Йерро кейинги мавсумдан бошлаб мадридликларнинг ўринбосарлар жамоасини бошқарувчи Зиннедин Зиданнинг ўрнини эгаллайди  ва Анчелоттига ёрдам беради.  

Аввалроқ, Анчеллотига ёрдамчи Фабио Каннаваро бўлиши айтилган эди, бироқ якунда клуб раҳбарлари Йеррони маъқул кўришди.

Эслатиб ўтамиз, Йерро футболчи сифатида 1989-2003 йилларда "Реал"да ўйнаган ва шу вақт орасида 5 карра Испания чемпиони ва уч карра Чемпионлар лигаси ғолибига айланган.