«Леванте» дарвозабони Кейлор Навас ўз фаолиятини «Бавария»да давом эттирадиган бўлди. Мюнхенликлар Коста-Рика терма жамоасининг 27 ёшли дарвозабонини 10 миллион евро эвазига қўлга киритишди.

Маълумотларга қараганда, "Леванте" билан тузилган шартномага кўра трансфер суммасидан 2 миллион евро Навасга тегади.

Дарвозабон «Бавария»га ўтганини "Леванте" вице-президенти Томас Перес тасдиқлади.

«У Европанинг энг кучли жамоаларидан бирига ўтмоқда. Ишончим комил, Кейлорга у ерда ўйнаш ёқади. У Нойерга яхши рақобат ярата олади. Навас учун хурсандмиз. У ўйинчи сифатида ҳам, футболчи сифатида ҳам кучли жамоада ўйнашга ҳақли эди. У ажойиб мавсумни ўтказди. Фаолияти давомида ўсишга эришишига ёрдам берганимиздан хурсандмиз», – дейди Перес.

Шу тариқа, Навас учун курашда «Бавария» «Атлетико» ва «Порту»ни ортда қолдирди.