"Барселона"нинг ўтмишдаги болгариялик юлдузи Христо Стоичков каталонияликларнинг Алексис Санчесни "Арсенал"га сотганликлари учун клуб раҳбарларини футболни тушунмасликда айблади.
"Барселона" раҳбарларининг футболни тушунмаслиги оқибатида биз клуб таркибидаги яна бир иқтидорли футболчини трансфер қилдик" футболчининг сўзларидан иқтибос келтирмоқда Марса нашри. "Барселона"нинг сиёсати ҳар доим шундай бўлиб келган. Улар буюк футболчиларни ҳеч қачон ёқтирмайдилар. Алексис ҳар доим тўп учун курашадиган ва жамоа натижаси учун қаттиқ меҳнат қиладиган футболчи. У бошини баланд кўтарган ҳолда клубни тарк этиши мумкин. У ҳеч қачон ортга чекинмайдиган энг муҳим футболчилардан бири".
