Италиялик ҳакам Никола Риццоли бугун бўлиб ўтадиган Германия ва Аргентина терма жамоалари ўртасидаги ЖЧ финал баҳсини бошқариб боради.

Чорак финал доирасида Аргентина-Бельгия ўртасидаги ўйиндан (1:0) кейин европаликлар устози Марк Вилмотс италиялик ҳакамни  танқид қилганди.

"Ёш болага ўхшаб йиғламоқчи эмасман, лекин ҳакам Аргентина футболчилари томонидан ишлатилган фолларга аҳамият бермади. Мессига нимадир бўлса, дарҳол жарима зарбасини белгилади. Месси 3 марта ўйин қоидасини бузди, аммо унга сариқ карточка берилмади. Биз қоида бузган пайтда эса дарҳол огоҳлантириш берилди", - деганди Вилмотс.

Финал баҳси билан қўшиб ҳисоблаганда, Риццоли ушбу ЖЧда Аргентина иштирокидаги учта ўйинни бошқариб боради. У Аргентинанинг дастлаб гуруҳ босқичида Нигерияга қарши (3:2), сўнгра Бельгия билан чорак финал ўйинларида ишлаган. Никола Риццоли 1-турда Испания-Голландия учрашувини бошқариб, 7,4 балл олганди.