Малайзиянинг Куала-Лумпур шаҳрида U-16 ўсмирлар қизлар ўртасидаги ОЧ-2015 саралаш баҳсларига қуръа ташлангани ҳақида аввалроқ хабар берган эдик. Осиё Футбол Конфедерацияси мазкур саралаш баҳслари мезбонини ўзгартирди ва унга кўра Шри-Ланка ўрнига Фаластин U-16 ўсмир қизлар ўртасидаги саралаш ўйинларига мезбонлик қилиши тасдиқланди.

Эслатиб ўтамиз, Ўзбекистон U-16 ўсмирлар терма жамоаси саралашнинг «А» гуруҳида Шри-Ланка, Баҳрайн, Фаластин, Қирғизистон ва Тожикистон U-16 ўсмир қизларига қарши ўйнаши аввалроқ маълум бўлган эди. Саралаш баҳсларига юқорида таъкидланганидек 4-13 октябрь кунлари Фаластин мезбонлик қилади.

Саралаш баҳслари форматига кўра, Марказий-Жанубий ва Ғарбий Осиё минтақасига кирувчи 12та терма жамоа 6тадан икки гуруҳга бўлинган ҳолда саралаш баҳсларида иштирок этишади. Гуруҳ ғолиблари тўғридан-тўғри ОЧ финал босқичига йўлланмани қўлга киритадилар. 2013 йили ўтказилган U-16 Осиё Чемпионатида дастлабки тўрт ўринни эгаллаган терма жамоа (Япония, КХДР, Хитой, Таиланд), 2015 йилги Осиё Чемпионати финал босқичига саралаш ўйинларисиз йўлланмани қўлга киритган.

U-16 ўсмир қизлар ўртасидаги ОЧ-2015, саралаш баҳслари.
4-13 октябрь, Фаластин.
«B» гуруҳи.
Шри-Ланка
Ўзбекистон
Баҳрайн
Қирғизистон
Тожикистон
Фаластин

Ўзбекистон U-16 ўсмир қизлар терма жамоаси иштирокидаги ўйинлар.

4 октябр.
Ўзбекистон U-16 - Қирғизистон U-16

6 октябрь
Ўзбекистон U-16 - Фаластин U-16

8 октябрь
Тожикистон U-16 - Ўзбекистон U-16

11 октябрь
Ўзбекистон U-16 - Баҳрайин U-16

13 октбярь
Шри-Ланка U-16 - Ўзбекистон U-16