«Динамо» жамоасининг иккинчи давра олдидан ўтказган дастлабки йиғини якуни арафасида «Динамо» бош мураббийи вазифасини бажарувчи Камо Газаров фикрлари билан ўртоқлашди.

—  Табиат қўйнидаги йиғиндан кўнглим тўлди, десам ҳам бўлади. Асосий эътиборни футболчиларнинг жисмоний ҳолатини тиклашга қаратгандик. Кунига икки маҳалдан олиб борган машғулотларимиз жамоамизнинг жисмоний тайёргарлигини анча юқори даражага келди. Футболчиларнинг катта иштиёқ билан машқ қилганликларидан хурсандман. Аксарият футболчиларнинг йиғинимизга бироз кечроқ қўшилганлигини айтмаганда, олиб борилган ишлардан кўнглим тўлди.

—  Йиғинда барча футболчиларнинг яхши кайфиятда машғулотлар ўтказганликлари гувоҳи бўлдик. Жамоанинг таркибида ўзгаришлар бўлиши мумкинми?
—  Таркибимизни кучайтиришимиз мумкин. Тошкентдаги йиғинда ўзгаришлар бўлиб қолиши мумкин.

—  Жамоанинг кейинги режалар ҳақида маълумот берсангиз?
—  19 июль кунидан пойтахтимизда йиғиламиз. Бир ҳафталик йиғиндан тиббий кўрик, назорат учрашувлари ва футболчиларни синовдан ўтказишни мақсад қилганмиз. Хусусан, «Машъал», «Пахтакор» ва «Навбаҳор» сингари жамоаларга қарши назорат баҳсларида майдонга тушамиз. 26 июлда эса яна Самарқандга қайтиб, «Насаф»га қарши ўйинга сўнгги тайёргарликларни ўз қароргоҳимизда олиб борамиз.