Бугун "Навбаҳор" ихтиёрига яна иккита янги футболчи келиб қўшилди, дея хабар беради намнаганликлар расмий сайти.
Ҳимоячи Акбар Саттаев ("Гулистон") ва ҳужумчи Руслан Качур жамоа кўригидан ўтишади. Бугунги "Сўғдиёна"га қарши назорат учрашувида мураббийлар ушбу ўйинчиларни синовдан ўтказишади.
Саттаев нималарга қодирлигини Бахтиёр Ашурматов яхши билади. Футболчи ўтган мавсумда ҳам бош мураббий қўл остида ҳаракат қилган. Жорий йилги мавсумни Акбар Биринчи лигада "Гулистон"да ўтказмоқда. Украиналик Руслан Качур эса яқиндагина Муборакнинг "Машъал" клубида кўрикдан ўтаётганди. Тез орада ҳар икки футболчининг тақдирига ойдинлик киритилади.
