"Ювентус" директори Павел Недвед Антонио Контенинг истеъфоси сабаблари ҳақида ОАВ тарқалган ҳар қандай хабарлар нотўғри эканини билдирди.
"Конте ишлашда давом этиши учун унда куч қолмаган эди, бу клуб раҳбарияти билан келишмовчиликка боғлиқ эмас. У май ойида кетишни истаган эди, аммо биз ўйлаб кўришни маслаҳат бергандик. Таътилдан қайтиб ишлашни хоҳламади.
Аммо ОАВда унинг истеъфоси сабаблари тўғрисидаги хабарлар нотўғри - у шунчаки чарчаган эди. Унинг қарори бизни ҳайрон қолдирди, чунки, ўтган мавсум охирида унинг чарчоғини сезмаган эдим", - дейди Недвед.
