Тошкентнинг “Бунёдкор” жамоаси Туркия йиғинида доирасидаги иккинчи назорат учрашувида мағлубият аламини тортиб кўрди.
Ушбу баҳс “қалдирғочлар”нинг терма жамоага номзод футболчилари Тошкентга йўл олиши олдидан айнан улар учун ташкил этилди. Ўйинда Сергей Лушан шогирдлари рақибларга қараганда бир мунча мазмунлироқ ўйин кўрсатишди. “Динамо” дарвозаси олдида бир неча хавфли вазиятлар яратишди. Хатто Анвар Бердиев ўз маҳоратини ишга солиб, 67-дақиқада грузияликлар дарвозасини ишғол ҳам қилди. Бироқ тажрибали ҳужумчининг голи ҳакамларнинг тушунарсиз қарори эвазига инобатга олинмади. Лекин ўйин охирларида грузинлар “Бунёдкор” дарвозасига битта тўп киритишиб, ғалабани илиб кетишди.
Батумининг “Динамо” клубига қарши Сергей Лушан қуйидаги футболччиларни майдонга туширди.
Ўртоқлик учрашуви
“БУНЁДКОР” – “ДИНАМО” (Батуми, Грузия) 0:1 (0:0)
“Бунёдкор”: 35.Абдукарим Муҳаммедов, 4.Хайрулла Каримов, 15.ислом Иномов, 6.Анвар Ғофуров, 26.Жавлон Мирабдуллаев, 27.Сардор Собирхўжаев, 8.Жавлон Иброхимов, 9.Минори Сато, 21.Сардор Рашидов, 14.Воҳид Шодиев, 10.Анвар Бердиев
Захирадан майдонга тушганлар: 2.Акмал Шораҳмедов, 18.Иван Милошевич, 11.Олександр Пишур, 54.Темур Аюпов, 28.Достонбек Ҳамдамов, 19.Забихилло Ўринбоев, 3.Шукурали Пўлатов
