"Бавария" яримҳимоячиси Франк Риберининг фикрича, клубнинг янги ўйинчиси Роберт Левандовски жамоага тез мослашди.
"Роберт ажойиб ўйинчи. Унинг жамоа билан ўзаро ҳаракати кундан-кунга яхшиланиб бормоқда. У бизга тўғри келди. У тез мослашди ва вақтни биргаликда қувноқ ўтказяпмиз.
Жаҳон чемпионати-2014? Мен ҳамон афсусдаман. Жароҳатлар вақти-вақти билан учраб туради, аммо Жаҳон чемпионати олдидан... Бу жуда ачинарли бўлди. Жаҳон чемпионати ҳақида ўйлашни истамайман - янги мавсум бошланишини сабрсизлик билан кутяпман", - дейди Рибери.