Ўзбек спорт журналистикаси оғир жудоликка учради. Замонавий спорт журналистларининг энг ёрқин вакилларидан бири Давлат Турдалиев бугун вафот этди.

Давлат ака узоқ йиллар давомида Ўзбекистон миллий телерадиокомпаниясида шарҳловчилик қилиб, "Спорт" телерадиоканали директори лавозимигача кўтарилишга муваффақ бўлди. Сўнгги бир йилга яқин вақт давомида соғлиги ёмонлашгани туфайли раҳбар лавозимлигини топшириб, фақат шарҳловчилик билан шуғулланаётганди.

Пешона, тақдир... Бир касалликни тўлиқ даволаб улгурмасидан бошқа касаллик сабаб қадрдон устозимиз бандаликни бажо келтирди.

Давлат Турдалиенинг оила аъзолари, яқинлари, шогирдларига таъзия изҳор қилиб, Яратгандан сабр-бардош сўраймиз. Марҳумнинг охирати обод бўлсин.