Бугундан бошлаб Олий лига иккинчи давра ўйинлари бошланади. Шу боисдан мавсумнинг биринчи ярмида "Навбаҳор" кўрсатган натижаларга назар ташлаб, статистик маълумотларни эътиборингизга ҳавола этишга қарор қилдик.
| Жами ўйин | 13 | |||
| Урилган гол | 17 | |||
| Ўз майдонида урилган гол | 12 (71 %) | |||
| Меҳмонда урилган гол | 5 (29 %) | |||
| Ўтказиб юборилган гол | 20 | |||
| Ўз майдонида ўтказиб юборилган гол | 5 (25 %) | |||
| Меҳмонда ўтказиб юборилган гол | 15 (75 %) | |||
| Ўртача 1 ўйинда урилган гол | 1,31 | |||
| Ўртача 1 ўйинда ўтказиб юборилган гол | 1,54 | |||
| Ўз майдонида тўпланган очко | 13 (72 %) | |||
| Меҳмонда тўпланган очко | 3 (14 %) | |||
| Энг йирик ғалаба | 3:0 ("Андижон") | |||
| Энг йирик мағлубият | 0:3 ("Бунёдкор") | |||
| Иродали ғалаба | 1 | |||
| Йирик ғалаба | 1 | |||
| Йирик мағлубият | 1 | |||
| Огоҳлантириш (ўртача) | 30 (2,31) | |||
| Четлатиш | 3 (0,23) | |||
| Томошабинлар ташрифи (жами/ўртача) | 101896/7838 | |||
*"Навбаҳор" ўйинларида 0:2 ва 1:3 ҳисоблари икки маротабадан кузатилган бўлса, 2:0, 0:1, 1:1, 1:0, 4:2, 0:3, 3:0, 3:1 ҳамда 1:2 ҳисоби бир бордан қайд этилди.
*10 учрашувдан буён (6 апрель) "лочинлар" дуранг нималигини билмай келишмоқда. Сўнгги маротаба "Навбаҳор" 3-турда (29.03, 1:1) "Нефтчи" билан дуранг натижа кўрсатган.
*Жамоанинг ғалабасиз ўйинлар серияси 3 та ўйинга тенг (20.05 - 06.06). 9, 10 ва 11 турда кетма-кет мағлубиятдан сўнг "Олмалиқ" қайта таъмирдан чиққан ўйингоҳимизда таслим этилган.
*Мағлубиятсиз серия эса 3 та ўйинга етган (23.03 - 06.04, 2-4 тур). 9- турдан буён (20.05) "Навбаҳор" дарвозаси ҳар бир ўйинда ишғол этилмоқда.
*"Навбаҳор" энг қўпол жамоа сифатида биринчи даврани якунлади (3 та қизил ва 30 та сариқ карточка).
*Ҳужумчимиз Шаҳбоз Эркинов бу йилги мавсум биринчи давраси якунига кўра энг тезкор хет-трик муаллифига айланди. "Сўғдиёна"га қарши (6-тур) беллашувда у 22 дақиқа ичида учта голни Александр Меленчук қўриқлаган дарвозага жойлаб қўйди.Шаҳбоздан ташқари "Насаф" етакчиси Артур Геворкянгина мавсумнинг биринчи қисмида хет-трикка эришган. Бироқ, у 26 дақиқа ичида ушбу кўрсатгични қайд этган.
*Биринчи даврада "Навбаҳор"нинг энг ёш гол муаллифи ҳимоячи Шукурали Пўлатов (24 ёш) бўлди. Аксинча, энг тажрибали гол урган эса Бахтиёр Ёқубов (29 ёш).
*Майдонга тушган энг ёш футболчи Тохир Шамшитдинов (21 ёш) бўлган бўлса, жамоа шарафини ҳимоя қилган энг ёши катта Мансур Саидов (30 ёш) бўлди.
*Клубнинг энг кўп сариқ карточка олган ўйинчиси Роббим Ҳасанов ҳисобланади (5 та).
