Александр Мочинов бош мураббийлигидаги Ўзбекистон U-16 ўсмирлар терма жамоаси 4 август куни Тошкентда ўзининг навбатдаги йиғинини бошлади.

Шу йилнинг 6-20 сентябрь кунлари Таиландда ўтказиладиган U-16 ўсмирлар ўртасидаги Осиё Чемпионати финал босқичига тайёргарлик кўраётган Ўзбекистон ўсмирлар терма жамоаси Тошкентдаги йиғин давомида 2та назорат учрашувида майдонга тушиши режалаштирилган. Жумладан, бугун, 5 август куни Мочинов шогирдлари Тошкентнинг «Пахтакор» клуби ёшларига қарши назорат учрашувида майдонга тушадилар. Мазкур ўйин ЖАР стадионида соат 18:00да бошланади. Ўсмирлар терма жамоасининг навбатдаги назорат учрашувлари ҳақида кейинроқ батафсил маълумот берилади.

Эслатиб ўтамиз, Ўзбекистон U-16 ўсмирлар терма жамоаси 15-25 июль кунлари Туркиянинг Истанбул шаҳрида ўтказилган халқаро турнирда иштирок этиб қайтган эди. ЎФФ Терма жамоалар маркази берган маълумотга кўра, терма жамоа Осиё Чемпионати стартигача яна бир неча ўртоқлик ўйинларида майдонга тушиши режалаштирилган.