Москванинг “Динамо” клуби франциялик ярим ҳимоячи Матье Вальбуэнани шу ҳафтада жамоанинг янги футболчиси сифатида таништиради. Клуб расмий сайтида хабар берилишича франциялик футболчи шанба куни, Россия Чемпионати 2-тур ўйинидан бир кун олдин кенг оммага ва мухлисларга таништирилади. Ҳудди шу куни футболчи ва клуб раҳбарияти иштирокида матбуот анжумани бўлиб ўтади.
Эслатиб ўтамиз, Франция терма жамоаси ва Марсельнинг “Олимпик” клуби ярим ҳимоячиси ўтган ҳафтада Москванинг “Динамо” клуби билан 3 йиллик шартнома имзолади. Унга кўра, 29 ёшли футболчи москваликлар сафида йилига 3 миллион евро маош олади.
