Ўзбекистон терма жамоаси аъзоси Темур Кападзе тўп сураётган Қозоғистоннинг "Актобе" клуби ЕЧЛ 3-саралаш босқичи жавоб учрашуви доирасида сафарда Руминиянинг "Стяуа" клубига қарши майдонга тушди.

Эътиборлиси, ҳамюртимиз учрашувнинг 85-дақиқасида рақиб дарвозасини ишғол этишга муваффақ бўлган. Аммо, Кападзенинг голи Актобени мағлубиятдан қутқариб қола олмади, сабаби "Стяуа" бунгача "Актобе" дарвозасини икк ишғол қилишга улгурган эди.

Шу тариқа, дастлабки ўйинда 2:2 ҳисобида дуранг ўйнаган ва жавоб ўйинида 2:1 ҳисобида ғалаба қозонган Стяуа ЕЧЛ саралашининг сўнгги босқичига йўл олди.

"СТЯУА" (Руминия) – "АКТОБЕ" (Қозоғистон)  2:1 (2:0, 0:1)
6 август. “Стяуа” стадиони
Голлар:  Кипчу (3), Станчу (39) – Темур Кападзе (85)

"Стяуа": Арлаускис, Шукала, Рыпэ, Ф. Варела, Латовлевич, Станчу (Янку, 48), Танасе (Пирвулеску, 82), Санмартян (Филип, 12), Препелицэ, Попа, Кипчу.

"Актобе": Сидельников, Логвиненко, Андерсон, Арзуманян, Царикаев, Хайруллин (Темур Кападзе 61), Мирошниченко, Коробкин, Антонов (Аймбетов, 68), Неко, Пиццелли (Шабалин, 80).