Вьетнамнинг Ханои шаҳрида ўқув-машғулот йиғинини ўтказаётган Ўзбекистон U-19 аёллар терма жамоаси бугун Вьетнам U-19 аёллар терма жамоасига қарши иккинчи ўртоқлик ўйинида майдонга тушиб 0:1 ҳисобида мағлуб бўлди.

Вячеслав Солохо мураббийлик қилаётган Ўзбекистон U-19 аёллар термаси Вьетнамда 9 август кунигача йиғин ўтказиши ҳақида аввалроқ хабар берган эдик. Мазкур йиғин давомида давомида Ўзбекистон U-19 аёллар терма жамоаси мезбон - Вьетнам U-19 аёллар термаси билан иккита ўртоқлик учрашувини ўтказиши режалаштирилган эди. Режага кўра, дастлаб терма жамоалар 6 август куни ўзаро илк ўйинда майдонга тушишган ва учрашув 0:0 ҳисобидаги дуранг билан якунланган эди.

Бугун, ҳар иккала терма жамоа ўзаро иккинчи ўртоқлик ўйинида майдонга тушишди ва учрашув Вьетнам U-19 аёллар терма жамоасининг минимал ҳисобдаги ғалабаси билан тугади - 1:0

Таъкидлаш лозим, ушбу йиғин Ўзбекистон U-19 аёллар терма жамоаси учун ноябрь ойида бўлиб ўтадиган Осиё Чемпионати саралаш босқичи учун тайёргарлик вазифасини ўтаб беради.