"Андижон" - "Қизилқум" учрашувидан кейин навоийликлар устози Юрий Лукин ўйин тўғрисида қуйидаги фикрларни билдирди.

"Ўйин ҳақида нима дейишим мумкин? Бугун мезбонларда ғалабага бўлган хоҳиш юқори эди. Улар шунга яраша тайёргарлик кўришганди. Қолаверса, андижонликларга ғалаба керак эди ва улар уч очко учун астойдил курашишди. Бундай иссиқ ҳавода тўп суришни ўзи бўлмайди. Бу футболчиларга ўз таъсирини кўрсатмай қўймади. Ғалаба билан “Андижон”ни табриклайман. “Бунёдкор”га қарши қийин ўйиндан кейин, бунинг устига иккита футболчимизни йўқлиги барибир билинди. Жўраев ва Бойматов ўрта чизиқдаги етакчиларимиз эди. Бугун уларнинг йўқлиги сезилди. Бундан ташқари Азиз Усмонов бугун майдонда ҳарорати юқори ҳолатда тўп сурди.

Алишер Азизов жисмоний жиҳатдан ўйинга тайёр эмасди. Шу боис у захирада қолди. Лекин Алишер яхши ҳужумчи ва ундан умидимиз катта. Ўйлайманки, у кейинги ўйинларда яхши формага кириб олади. Георги Квесиешвилига келсак, у яхши савиядаги ҳимоячи. “Бунёдкор”га қарши кечган биринчи учрашувда ҳам ёмон ҳаракат қилгани йўқ. У жамоамизга киришиб кетмоқда. Гарчи иккинчи даврани омадсиз бошлаган бўлсакда, мен жамоамга ишонаман ва ўз олдимизга қўйилган вазифани бажара оламиз", - дейди Юрий Лукин.