"Бавария" ва Германия терма жамоаси дарвозабони Мануэль Нойер иккинчи маротаба Германияда йилнинг энг яхши ўйинчиси деб топилди.
Ўтган мавсумда 28 ёшли дарвозабон жамоасининг Германия чемпионати ва Кубогини ютишида катта ҳисса қўшди. Ёзда эса терма жамоаси билан жаҳон чемпиони унвонига сазовор бўлди. Бунгача 2011 йилда Германиянинг энг яхши футболчиси унвонига сазовор бўлган дарвозабон бу сафар 144 очко тўплади ва журналистлар ўртасида ўтказилган сўровномада ғолиб бўлди.
Германиянинг бу йилги энг яхши ўйинчисини аниқлашда ўтказилган сўровномада иккични ўринни Марко Ройс қўлга киритган бўлса, Томас Мюллер учинчи бўлди.
Энг яхши мураббийни аниқлаш учун ўтказилган сўровда эса Германия терма жамоаси бош мураббийи Йоахим Лев ғолиб бўлди. Бундестимни жаҳон чемпионига айлантирган мураббийи Маркус Вайнцирль ("Аугсбург") ва Хосеп Гвардиолаларни ("Бавария") ортда қолдирган.