Кеча Украина Чемпионати 4-тури доирасида бир қатор учрашувлар бўлиб ўтди. Полтаванинг “Ворскла” клуби ўз майдонида Донецкнинг “Металлург” клубининг қабул қилди ва 2:1 ҳисобида қийин ғалабани қўлга киритди. Хабарингиз бор, “Ворскла2 сафида Ўзбекистон миллий терма жамоаси аъзоси Санжар Турсунов тўп суради. Ҳамюртимиз кечаги учрашувда асосий таркибда майдонга тушди ва 90 дақиқа тўп сурди.
Яна бир ҳамюртимиз Максим Шацких тўп сураётган “Говерла” клуби эса бу сафар ҳам мағлуб бўлди. Сафарда “Металлист” клубига қарши ўйинда Говерла 0:1 ҳисобида мағлуб бўлди. Шацких учрашувни асосий таркибда бошлади ва 65-дақиқада алмаштирилди.
Эслатиб ўтамиз, Максим Шацких айни дамда Украина Чемпионатлари тарихидаги энг яхши тўпурар номини Сергей Ребров билан бўлишиб турибди. Ҳар иккала футболчининг ҳисобида 123тадан гол бор. Ҳамюртимиз яна бир гол ура олса рекордчига айланади.
