Испания суперкубоги учун "Сантьяго Бернабеу"да ўтказилган "Реал Мадрид" ва "Атлетико" жамоалари ўртасидаги дастлабки ўйинда дуранг натижа қайд этилди. Демак, барча масала жавоб баҳсига қолдирилди.

Таркибда жиддий йўқотишларга қарамай, "матрасчилар" ўйинида катта ўзгаришлар сезилмади. Улар ўз услубида ҳаракат қилишди. Ўйиннинг катта қисмида Анчелотти шогирдлари тўпни назорат қилишди, рақибга босим ўтказишга уринишди. Аммо голга тортадиган вазиятлар асосан иккинчи бўлимда юзага келди.

Ўйин тугашига 9 дақиқа қолганида Роналду ўрнига захирадан майдонга тушган Хамес Родригес ҳисобни очди. Бенземанинг зарбасини дарвозабон қайтарди ва қайтган тўни Родригес дарвозага йўллади.

Орадан бир дақиқа ўтиб меҳмонларнинг кучли зарбасини Касильяс маҳорат билан қайтаришга муваффақ бўлди. Ўйин тугашига 2 дақиқа қолганида Рауль Гарсия бурчакдан узатилган тўпга оёқ қўйди ва дарвозани ишғол қилди. Ҳисоб - 1:1.

Испания суперкубоги, дастлабки ўйин
"РЕАЛ" - "АТЛЕТИКО" - 1:1 (0:0)
Голлар: 1:0 – 81 Хамес, 1:1 – 88 Р. Гарсия.
"Реал Мадрид": Касильяс, Рамос, Карвахаль, Пепе, Марсело, Алонсо, Бэйл, Кроос, Модрич (Ди Мария, 78), Бензема, Роналду (Хамес, 46).
"Атлетико": Мойя, Хуанфран, Миранда, Годин, Сикейра (Ансальди, 64), М.Суарес, Габи, Р.Гарсия, Коке, Сауль (Гризманн, 57), Манжукич (Р.Хименес, 78).
Огоҳлантиришлар: Коке (5), Сикейра (12), Алонсо (39), М. Суарес (58), Рамос (60), Манжукич (60), Р.Гарсия (68).