21 август куни II ўсмирлар олимпиада ўйинлари дастуридан ўрин олган Таэквондо (WTF) бўйича ўсмирлар ўртасида +73 кг. вазнда, қизлар ўртасида эса +63 кг. вазн тоифасида мусобақалар ўтказилади.
Қизлар ўртасида ўтказиладиган мусобақаларда ҳамюртимиз Умида Абдуллаева ҳам ўрин эгаллаган. Ушбу вазн тоифасида жами 11 нафар спортчи ўсмирлар олимпиада ўйинларининг медаллари учун кураш олиб борадилар.
Қуръага кўра, Умида баҳсларга чорак финалдан киришади. Тошкент вақти билан соат 12:00да бошланадиган чорак финал баҳсида ҳамюртимиз Шарлотта Мунави (Свазеленд) – Маме Сайс Динг (Сенегал) учрашуви ғолиби билан куч синашади.
Агарда Умида чорак финал баҳсида ғолибликка эришса, ўсмирлар олимпиада ўйинларининг камида бронза медалини нақд қилиб қўяди.