Куала-Лумпур шаҳрида йиғин ўтказаётган Ўзбекистон U-16 ўсмирлар терма жамоаси, бугун Малайзия U-19 ёшлар термасига қарши ўртоқлик учрашувини ўтказади.

Малайзиянинг Куала-Лумпур шаҳрида давом этаётган йиғин тақвимига ўзгартириш киритилди. Унга кўра, Александр Мочинов бош мураббийлигидаги ўсмирлар терма жамоаси бугун аввалдан режалаштирилганидек Малайзия U-16 ўсмирлари билан эмас, балки Малайзия U-19 ёшлари билан ўртоқлик учрашувини ўтказади. Ўйин маҳаллий вақт билан соат 16:45да бошланиши режалаштирилган.

Ўзбекистон ўсмирлар терма жамоаси, кеча куннинг иккинчи ярмида бу ердаги илк машғулотларини ўтказди. 31 августгача давом этадиган йиғин давомидаги иккинчи ўртоқлик учрашуви эса, 28 август куни Малайзия U-16 ўсмирларига қарши ўтказилади.

Малайзиядаги йиғин якунига етгач, терма жамоа Осиё Чемпионатида иштирок этиш учун у ердан тўғри Таиландга йўл олади.

Эслатиб ўтамиз, Таиланд мамлакати мезбонлик қиладиган U-16 ўсмирлар ўртасидаги Осиё чемпионати 6-20 сентябрь кунлари бўлиб ўтади. Александр Мочинов бош мураббийлигидаги Ўзбекистон U-16 терма жамоаси мусобақанинг гуруҳ босқичида Непал, Кувайт ва КХДР ўсмирлар терма жамоаларига қарши ўйнайди.