12. МАСТОНАЛИК ВА ҲАЙРОНАЛИК.    
СЦЕНАРИЙ ЁЗИШ.
Кўпинча журналистлар Футболни санъат билан, масалан спектакль билан қиёслайдилар. Хозиргача ҳеч ким Мураббийни санъаткорга ўхшатиб, бир нима ёзмаяпти. Ман футболни картина тасвиригаям ўхшатаман, цирк санъатигаям, чолғу санъатигаям, бадиий асаргаям. Нима учун? Чунки аввало, Мураббий ижодкор бўлмоқлигини таъкидласам, футболчи ўз техник маҳоратини санъат даражасига кўтаришини истайман. Ундан ташқари, футболчи майдонга тушгач, ўйин “драматургиясини “ уқиб олиб, шунга кўра ўзи “сценарийни” қайта ёзиб, уни ўзи ижро этиши кўз олдимизда содир бўлади. Чунки, футболчи, агар у асл футболчи бўлса, шундай мўжиза яратишга қодир бўлади.

Актёр-ўйинчи Мураббий ёзиб берган “сценарийни” қайта ёзмаса-да, уни бир оз бўлса-да ўзгартириши шарт бўлади. Шунинг учун футбол бир киши билан ижрочилар орасида, сценарист ҳам режиссёр ҳисобланган бош мураббий билан актёрлар-футболчилар орасида ўзаро якдилликни талаб қилади. Футболнинг яшил майдонида кўкарган мисли кўрилмаган даражадаги якдилликни, ҳамжиҳатликни, бирдамликни театр саҳнасида тополмайсиз. Яқинда бўлиб ўтган ЖЧда голландлар, олмонлар, боливияликлар, хатто жазоирликлар ҳам бундай якдилликни, бирдамликни, ҳамжиҳатликни мисли кўрилмаган тезликда кўрсатиб беришди. ЖЧ ўйинларида кутилмаган сценарий, кутилмаган ижроларни кўриб, умумжаҳон Бош мусобақасининг драматургияси ўзи боғлаб қўйган тугунларга ўзи “плей офф”да ечим топиб беришига ҳайрат билан тикилдингиз. Бош қаҳрамонларни ижобий ё салбийга ажратиб олдингиз. Воқеаларни кузатиб ўйинларга мафтун ҳолда мастона юрдингиз. Балким, уйқудан қолиб шундай юргандурмиз. Баъзи “диалогларни”- тўқнашувларни тушуна олмай хозиргача ҳайрон қолмоқдасиз. Мастоналик ҳайроналикка жойини бўшатиб берди.

Давоми Ҳасанали Қодиров блогида.