"Навбаҳор" - "Металлург" учрашувидан сўнг ўтказилган матбуот анжуманининг иккинчи қисмида "Навбаҳор" мураббийи Зоҳид Нурматов қатнашди.

"Ўйин бошида осон бўлгани йўқ. Негаки, футболчиларимизнинг мослашишлари қийин кечди. "Металлург" яхши шаклланган жамоа. Уларнинг таркиби бир неча йилдан бери ўзгармай келмоқда. Кейинги ўйинларда уларга омад тилайман. Ушбу ғалабани шаҳримиз мухлисларига бағишлайман. Қолаверса, бош мураббийимиз Бахтиёр Ашурматовнинг ўз жойида туриб, жамоани бошқаришда давом этишини хоҳлайман.

Ўтган турда Рижко "Насаф" билан бўлган ўйинда ҳам майдонга тушмади. Легионеримизнинг кичик жарохати бор эди. Шунинг учун у тўла тикланиб улгурмаган. Худо хоҳласа навбатдаги беллашувларда худди биринчи даврадаги сингари Рижко яна шижоат билан ҳаракат қилади. Шу пайтга қадар бир ҳужумчи билан ўйин ўтказиб келаётгандик. Бугун 2 та ҳужумчини майдонга туширганимиз сабаби, Шаҳбоз Эркинов жароҳатини энди даволаб, тўла тиклангани йўқ эди. Ўйин давомида унга ўйин амалиёти етишмаётгани ҳам сезилиб турди. Навбатдаги учрашувларда ҳам Эркиновга аввалги ҳолатини тиклаши учун имкон бериб борамиз. Темирдан фойдаланмасангиз занглаганидек, футболчи ҳам худди шу каби ўйин амалиётини йўқотади. Умид қиламизки, Шаҳбоз биринчи даврадаги даражасига яна қайтади", - дейди Зоҳид Нурматов.