Куала-Лумпур шаҳрида йиғин ўтказаётган Ўзбекистон U-16 терма жамоаси, бугун Малайзия U-16 ўсмирлар жамоасига қарши ўртоқлик учрашувини ўтказади.

Малайзиянинг Куала-Лумпур шаҳрида йиғин ўтказаётган Ўзбекистон U-16 ўсмирлар терма жамоаси бугун режага кўра йиғин давомидаги иккинчи ўртоқлик учрашувини Малайзия U-16 ўсмирларига қарши ўтказади. "PJM" стадионида бўлиб ўтадиган учрашув маҳаллий вақт билан соат 16:45да бошланади.

Маълумот учун, Малайзиядаги йиғин 31 август куни якунига етади ва шундан сўнг терма жамоа Осиё Чемпионатида иштирок этиш учун у ердан тўғри Таиландга йўл олади.

Эслатиб ўтамиз, Таиланд мамлакати мезбонлик қиладиган U-16 ўсмирлар ўртасидаги Осиё чемпионати 6-20 сентябрь кунлари бўлиб ўтади. Александр Мочинов бош мураббийлигидаги Ўзбекистон U-16 терма жамоаси мусобақанинг гуруҳ босқичида Непал, Кувайт ва КХДР ўсмирлар терма жамоаларига қарши тўп суради.