Россиянинг Челябинск шаҳрида бўлиб ўтаётган дзюдо бўйича жаҳон чемпионатида бугун якка тартибдаги мусобақаларнинг сўнгги куни ўтказилмоқда. Бугун татамига оғир вазндаги спортчилар чиқишди.

Оғир вазндаги спортчиларимиз — Соҳиб Қурбонов (-100 кг.) ва Абдулла Тангриев (+100 кг.) дастлабки иккита босқичдан муваффақиятли ўтиб, нимачорак финалда имкониятни бой беришди.

Соҳиб саралашда Жазоир ва Озарбойжон спортчиларини мағлуб этди, аммо учинчи босқичда олимпия чемпиони, россиялик Тагир Хайбуллаевга имкониятни бой берди.

Абдулла эса венгриялик ва руминиялик дзюдочилардан устун келди. Чорак финал учун жангда эса қирғизистонлик спортига ютқазиб қўйди.

Шу тариқа, спортчиларимиз медаллар учун курашдан чиқиб кетишди.

Ўзбекистон терма жамоаси мазкур ЖЧда 11 спортчи билан иштирок этди, аммо бирорта ҳам медални қўлга кирита олмади. Эркаклар терма жамоамиз эртага ўтказиладиган жамоавий баҳсларида иштирок этишади.