"Бавария" бош мураббийи Хосеп Гвардиола ва яримҳимоячиси Франк Рибери Ландсберг-на-Лех қамоқхонасида муддаттини ўтаётган мюнхен клубининг собиқ президенти Ули Хенесснинг ҳолидан хабар олдилар.
Учрашув икки соат давом этди. Аввалроқ Хенесс билан урашувга Карл-Хайнц Румменигге ва Юпп Хайнкес борган эдилар, дея хабар беради Die Welt.
Эслатиб ўтамиз, Хенесс солиқ тўлашдан бош тортгани учун уч ярим йиллик қамоқ жазосига ҳукм қилинган эди.
Аввалроқ, Хенесс қамоқхонада омборчи бўлиб ишлаётгани ва унинг бир соатлик иш ҳақи 1,12 евро эканлиги хабар қилинган эди. 62 ёшли собиқ президентнинг иш вақти 9.00 дан 15.30гача белгилаб қўйилган.