Ўзбекистон терма жамоаси бош мураббийи Миржалол Қосимов Иорданияга қарши ўйин учун чақирилган футболчилар рўйхатини эълон қилди.

Қосимовнинг фикрига кўра, мазкур ўйинга дастлаб 22 нафар футболчи чақирилган бўлиб, "Нефтчи" футболчиси Павел Смоляченко тиззасидан жароҳат олгани боис ўз жамоаси ихтиёрига қайтарилган.

"Афсуски, тиббий текширувлар шуни кўрсатдики, Смоляченко Иорданияга қарши ўйинда иштирок эта олмайди. Қолган йигитларга ўйинга тайёргарликни давом эттиришмоқда. Айнан шу ўйин Инчхонда бўладиган Осиё Ўйинлари учун сўнгги тайёргарлик вазифасини ўтаб беради", - дейди Ўзбекистон миллий терма жамоаси бош мураббийи.

Осиё Ўйинлари регламентига кўра, мусобақада 23 ёшгача бўлган футболчилар иштирок этишади. Шунингдек, 23 ёшдан катта бўлган яна 3 нафар футболчи ҳам  таркибга киритилиши мумкин.

Эслатиб ўтамиз, Инчхондаги Осиё Ўйинлари 14 сентябрдан 3 октябргача бўлиб ўтади. Ўзбекистон терма жамоаси Гонконг Бангладеш ва Афғонистон билан "В" гуруҳида иштирокни бошлайди.

Иорданияга қарши ўйинга тайёргарлик кўраётган Ўзбекистон терма жамоаси таркиби:
Дарвозабонлар:  Элдор Суюнов ("Насаф"), Никита Рибкин ("Пахтакор");
Ҳимоячилар:  Егор Кримец, Даврон Ҳошимов (иккиси — "Пахтакор"), Бобур Йўлдошев, Ислом Тўхтахўжаев, Салим Мустафаев (барчаси — "Локомотив"), Шерзод Файзиев ("Машъал"), Азамат Исроилов ("Олмалиқ").
Ярим ҳимоячилар:  Акбар Исматуллаев, Владимир Козак, Жамшид Искандаров (барчаси — "Пахтакор"), Азимжон Аҳмедов ("Навбаҳор"), Фозил Мусаев ("Локомотив"), Дилшод Жўраев, Сардор Рашидов (иккиси — "Бунёдкор"), Фаррух Сайфиев ("Насаф").
Ҳужумчилар: Игорь Сергеев ("Пахтакор"), Фарҳод Тожиев ("Локомотив"), Шаҳзодбек Нурматов ("Металлург"), Наврузбек Алимов ("Қизилқум").