"Валенсия"га ижара асосида ўтган "Манчестер Сити" ҳужумчиси Альваро Негредо Англия жамоасида кўп нарса ўрганганлигини билдирди.
"Бугун мен буюк клуб билан хайрлагшяпман. Янада яхши ўйнашимга сабаб бўлган клубга раҳмат. Бу ерда бўлган чоғларим ўзимни ўз уйимдагидай сезганим учун клубга раҳмат.
Мен "Манчестер Сити" билан видолашмайман, ўзим билан ёрқин хотиралар, катта тажриба олиб кетяпман. Улар ҳар доим ёдимда қолади.
"Манчестер Сити"га келгусида омад тилайман, "Валенсия" билан шартнома имзолаш имконияти яратиб бергани учун клубга миннатдорчилик изҳор қиламан", - дея Негредонинг сўзларини келтиради клуб расмий сайти.