Олий лиганинг 18-турининг қолдирилган "Олмалиқ" - "Пахтакор" учрашуви ниҳоясига етди.
Тошкент вилояти вакили пойтахтликларга ҳеч қандай қаршили кўрсата олмади ва ўз мухлислари кўз олдида йирик ҳисобда мағлубиятга учради.
Урашувнинг биринчи бўлими тугашига беш дақиқа қолганда Искандеров-Исматуллаев-Ҳошимов комбинациясидан кейин Сергеев дарвозани ишғол қилди. Давроннинг пасидан сўнг Игорь яқин масофадан гол урди.
Танаффусга чиқиб кетиш олдидан "Пахтакор" тўплар фарқини иккитага етказиб қўйди. Қанотдан Ҳошимов оширган тўпдан фойдаланган Козак ҳимоячилар ва дарвозабон хатосидан фойдаланиб, бўш дарвозага гол урди - 2:0.
Ўйин тугашига беш дафиқа қолганда Баҳодир Пардаев 18 метрлардан чап оёғида юқори чап бурчакка аниқ зарба берди - 0:3.
Шу тариқа пойтахтликлар ўзларига муҳим бўлган 3 очкога эга бўлдилар.
"Олмалиқ" (Олмалиқ) – "Пахтакор" (Тошкент) 0:3
Ҳакамлар: М. Исмоилов (Тошкент), Р. Шояхметов (Тошкент), Р. Серазетдинов (Тошкент), Д. Пислегин (Тошкент)
Голлар: Игорь Сергеев (40), Владимир Козак (45), Баҳодир Пардаев (85)
"Олмалиқ": Умид Хонимқулов, Азамат Исроилов, Обид Жўрабоев, Дарко Станоевич, Абдуқаҳҳор Ҳожиакбаров (Жаҳонгир Жиямуродов, 79), Достон Абдураҳмонов, Никита Павленко, Шакер Зуаги (Зафар Полвонов, 67), Диёр Туропов, Санжар Шоаҳмедов, Исломбек Исоқжонов
"Пахтакор": Александр Лобанов, Александр Мерзляков, Егор Кримец, Камолиддин Тожиев, Даврон Ҳошимов, Акбар Исматуллаев, Кахи Махарадзе, Владимир Козак, Жамшид Искандеров (Жалолидин Машарипов, 89), Ойбек Қиличев (Баҳодир Пардаев, 53), Игорь Сергеев (Станислав Андреев, 87)
Огоҳлантиришлар: Шакир Зуаги 60, Даврон Ҳошимов 73, Абдуқаҳҳор Ҳожиакбаров 76.
Назоратчи: С. Эрматов (Тошкент).
