Голландия терма жамоаси бош мураббийи Гус Хиддинк Евро-2016 саралаш босқичида Чехияга қарши учрашувдаги мағлубиятдан (1:2) жуда хафа эканлигини яширмади.
Голландлар қўшиб берилган дақиқаларнинг иккинчисида гол ўтказиб юборган эдилар.
"Тинчланишишим учун менга вақт керак эди, чунки, жуда аччиқландим. Айнан шунинг учун ўйиндан сўнг интервьюга кеч қолдим. Ўйиннинг сўнгги сонияларида мағлубиятга учраш керак эмас. Биз хотиржам дуранг ўйнашимиз мумкин эди. Аммо якунда аҳмоқона тарзда гол ўтказиб юбордик.
Бу ҳақда гапирсам яна аччиғим чиқяпти. Голлар бизнинг ўнг қанотдаги икки хатомиздан сўнг киритилди. Ҳимоячилар бундай хатога йўл қўйиб турганларидан сўнг тактика ҳақида гапириш қийин. Чехлар бизга ўз дарвозалари олдида вазиятлар яратишимизга қўйишмади. Бу бизга дарс бўлиши керак.
Қўшимча қилишим мумкинки, баъзи ўйинчиларимиз яхши ўйнашди. Ўйинни таҳлил қилиб, хулосалар чииқариб, кейинги ўйинларга тайёрланамиз", - дейди Хиддинк.