Ўсмирлар ўртасидаги Осиё чемпионатида эртага гуруҳ баҳслари якунига етади. "С" гуруҳида иштирок этаётган Ўзбекистон терма жамоаси Кувайт билан баҳс олиб борса, Непал КХДР билан ўйнайди. ОФК расмий сайти ушбу ўйинларга превью шаклида тўхталиб ўтди ва жамоалар мураббийларининг фикрларини эълон қилди.

Бал Гопал Махаржан, Непал ўсмирлар терма жамоаси бош мураббийи:
— Ҳозирча барча биз ўйлаганимиздек кетмоқда. Биз 3-турда ҳам кучли таркиб билан ўйнаймиз ва ғалаба қозонишга ҳаракат қиламиз. Лекин дуранг натижа ҳам плей-оффга чиқиш учун етарли эканини биламиз. Бимил Гарти Магар тўпиғидан шикастланган, аммо жиддий эмас. У ўйинга тайёр бўлади.

Йон Кванг Му, КХДР ўсмирлар терма жамоаси бош мураббийи:
— Непалга қарши ўйинда нималарга қодирлигимизни барчага кўрсатиб қўямиз. Биз бу ўйинда ғалаба қозонишимиз шарт.

Александр Мочинов, Ўзбекистон ўсмирлар терма жамоаси бош мураббийи:
— Чорак финалга чиқиш учун дуранг натижа ҳам етарли эканини биламиз. Аммо биз ҳеч қачон дуранг учун ўйнамаймиз. Биз ҳар доим ғалаба учун ўйнаймиз.

Иброҳим аш-Шаммарий, Кувайт ўсмирлар терма жамоаси бош мураббийи:
— Гуруҳдаги сўнгги ўйин биз учун ўртоқлик ўйинига тенг бўлади. Мен бошқа футболчиларга ўйнаш имкониятини бераман. Биз ғалаба учун ўйнаймиз.