Россия терма жамоаси бош мураббийи Фабио Капелло чемпионлар лигаси фаворитлари сифатида "Челси" ва "Бавария" клубларини кўрмоқда.
"Трансферлар ойнаси чоғида "Барселона" яхши кучайиб олди, - дея Капеллонинг сўзларини келтиради Sky Sport Italia. - Суарес каби ўйинчилар ўйин тақдирини ҳал қилишга қодир, рақибларга қўшимча муаммолар яратади. Суарес, Месси ва Неймар - каталонияликларнинг фантастик ҳужум триоси.
Аммо жамоа бу футболчилар ҳимояга ҳам ишлаган тақдирда кучли бўлади. Суарес тез-тез буни бажариб туради, Месси ва Неймар эса аҳёнда. Испанияда яна бир кучли клуб бор - "Реал".
Чемпионлар лигасига келсак, унда испан клублари хавф солсада, "Бавария" ёки "Челси" ғолиб чиқади. Италия клублари, тўғрисини айтсам, кусчизроқдирлар. Албатта, "Атлетико" мисолида кучли мотивация ва ғалабага интилиш ажойиб натижа беришини кўрдик".
