Бугун Олий лиганинг 19-туридан ўрин олган "Машъал" - "Нефтчи" учрашуви Муборакда бўлиб ўтди.

Учрашувда биринчи ҳужумни майдон эгалари бурчак тўпи билан якунлади. Бажарилган бурчак тўпини Қобулжонов маҳорат билан қайтаришга эришди.
Биринчи бўлимда ўртасида Мирзоҳид Ғофуров дарвозабон билан бирга-бир чиқиб бориб вазиятни йўққа чиқарди. Муйдин Мамазулумов эса икки ҳимоячидан қочиб кетиб ўзи зарба берда. Ушбу кескин ҳужумни ҳам Қобулжонов қайтаришга эришди. 40 дақиқада Акопянц томонида 35 метрдан йўлланган кучли зарба фақатгина омад туфайли дарвозага бориб тушмади. Бўлим сўнггида майдон эгалари ҳар қанча босим уюштирса ҳам ҳисобни оча олмади. "Нефтчи" эса дарвозага битта аниқ зарба йўллади.

Иккинчи бўлимда жуда ҳам кескин ўйин бошланди. 50 дақиқада Мирзоҳид Ғофуровнинг қанотдан кириб боришидан сўнг тўпни дарвозага аниқ йўллади. Кучли зарба Қобулжоновга тегиб майдонга қайтди. Қайтган тўпга биринчи бўлиб Зоҳир Қўзибоев етиб борди ва дарвозани аниқ нишонга олди.  Шундан кейин "Нефтчи" кетма-кет ҳужумлар уюштирди. Энди маҳорат кўрсатиш Носиров томонга ўтди. Бобожоновнинг зарбаси эса дарвоза тўсинига тегиб қайтди. Учрашув сўнггигача ҳисоб ўзгармай қолди ва "Машъал" навбатдаги ғалабасини нишонлади.

Ушбу ғалабадан сўнг жамоамиз 31 очко тўплаган ҳолда мусобақа жадвалининг бешинчи поғонасига мустаҳкам жойлашди.

Эслатиб ўтамиз, "Машъал" кейинги тур учрашувини сафарда "Олмалиқ"қа қарши 20 сентябр куни ўтказади.

Олий лига. 19-тур. Муборак

«Машъал» (Муборак) – «Нефтчи» (Фарғона) 1:0 (0:0).
Ҳакамлар: Х. Рўзиев (Тошкент), М. Саидқосимов (Тошкент), А. Цапенко (Тошкент. вил), Э. Турсунов (Бухоро)
Назоратчи: Ф. Абдуллаев (Тошкент).
Гол: Зоҳир Қўзибоев, 50 - 1:0.
“Машъал”: 30. Ботир Носиров, 2.Искандар Шайқулов, 5.Ғиёс Комилов, 7.Жаҳонгир Абдумўминов (13.Шаҳзод Шаймонов, 72), 14.Зафар Тўраев (11.Баҳодир Муртазоев, 90), 18. Аббос Шодмонов (С), 19.Мирзоҳид Ғофуров, 22.Сирож Ҳамроев, 26.Зоҳир Қўзибоев, 33.Андрей Деркач, 80.Муйдин Мамазулумов (10.Жамшид Хасанов, 62).
“Нефтчи”: 1.Сардор Қобулжонов, 14.Вячеслав Понамарёв (11.Носирбек Отақўзиев, 85), 18.Жавоҳир Расулов, 20.Дилёрбек Ирматов (55.Андрей Акопянц, 30), 22.Рўзимбой Аҳмедов, 28.Абдуллоҳ Oлимов, 29.Руслан Мелзиддинов, 32.Жаҳонгир Меҳмонов, 33.Сардор Раҳмонов, 39.Жаҳонгир Дадабоев (35.Муродбек Бобожонов, 65), 88.Акмал Холматов (С).
Огоҳлантиришлар: Вячеслав Пономарёв, 26. Андрей Деркач, 58. Жаҳонгир Меҳмонов, 70. Ботир Носиров, 70.