Голандия футболи афсонаси Йохан Кройфф Луи ван Галнинг "Манчестер Юнайтед" клубидаги фаолияти ҳақида фикр билдирди.
"Луи ван Галнинг "МЮ"даги истиқболи ҳақида гапира олмайман. Менимча у янги жамоа шакллантирди. Энди уни бирлаштириши керак. Гап футболчиларнинг савиясида эмас. Яхши футболчилардан бирлашган жамоа тузиш қийин.
Ҳар бир трансфер кампаниясининг ўз мантиғи бор. Муаммо шундаки, бу футболчиларни жойлаштириш керак. "Барселона"да ҳам шундай, уларда Месси, Суарес, Неймар бор. Улар қандай жойлаштирилади? "МЮ"нинг янги ўйинчилари индивидуал кучли футболчилар, аммо улар жамоа фандай ўйнашини ўрганишлари керак.
Яна бир муаммо шундаки, уларнинг ҳаммаси юлдузлардир ва катта ҳақ олишади. Энди Ван Галда яхши ўйинчилар кўп, аммо уларни жамоага бирлаштириш учун вақт керак бўлади", - дея Кройффнинг сўзларини келтиради The Guardian.