"Челси" бош мураббийи Жозе Моуриньо Англия чемпионатининг 4-турида "Суонси" устидан қозонилган ғалабадан сўнг фикрларини билдирди (4:2).
"Биринчи бўлим "Суонси" учун фантастик кечди, иккинчи бўлим эса биз учун. Умуман олганда ҳақли ғалабага эришдик, чунки танаффусдан сўнг рақибдан анча яхши ҳаракат қилдик. "Суонси"га бизнинг изчил ўйин кўрсатганимиз қийинчилик туғдирди.
Диего Костанинг тўрт ўйинда еттита гол уриши мени ҳайратлантирди. Бу оддатий ҳолат эмас.
Азарга келсак, бизнинг биринчи бўлимдаги барча хавфли вазиятларимиз унинг хизмати. Реми дебют ўйинида гол урди, идеал дебют.
Чемпионлар лигаси? Гуруҳимиз одамлар ўйлаганидан кўра қийинроқ", - дея Моуриньонинг сўзларини келтиради клуб расмий сайти.
Қўшимча қиламиз, Диего Коста АПЛ тарихида дастлабки тўрт ўйинда 7 та гол урган биринчи футболчи бўлди.