"Реал" ярим ҳимоячиси Хамес Родригес "Базель"га қарши ўйин олдидан ўтказилган матбуот анжуманида иштирок этди.
"Биз мавсумни яхши бошламадик, аммо ўйинимизни яхшилай оламиз. Ғалаба қозонишимиз керак. Эртага ғалаба қозониш учун иштиёқимиз юқори. Ўтган ишга саловат, биз вазиятни кунма-кун ўзгартириб боришимиз керак. Мен машғулотда яхши ишласам, майдонга тушиш имкониятига эга бўламан. Мен бахтлиман. Боиси, ҳамиша мазкур стадионда ўйнашни истаганман. Ёшлигимдан "Реал" шарафини ҳимоя қилишни орзу қилганман.
"Базель"нинг таркиби яхши ва биз эҳтиёт бўлишимиз керак. Аммо биз ўз уйимизда ўйнаяпмиз ва 3 очко олишимиз шарт. "Атлетико" билан ўйинда омадимиз келмади. Бизда яхши имкониятлар бўлди, аммо гол ура олмадик. Бунинг устида ишлашимиз керак", - дейди Родригес.