"Эвертон" дарвозабони Тим Ҳоварднинг маълум қилишича, унинг жамоадоши Ромелу Лукаку дунёнинг энг яхши ҳужумчиси бўлиш учун ҳаракат қилмоқда.
Америкалик посбон премьер-лиганинг охирги турида "Вест Бромвич" билан ўйинда (2:0) голлар ҳисобини очган бельгиялик ҳужумчининг истакларига юқори баҳо берди.
"Лукаку ҳақиқатдан ҳам дунёнинг энг яхши футболчиси бўлишга ҳаракат қилмоқда. Бу унинг мақсади. У бунинг учун астойдил ишламоқда, биз унга ёрам беришимиз керак.
Бу футболчи иштиёққа тўла, ҳар доим ҳаракатда, машғулотдаги голларини ҳам нишонлайди. Буни томоша қилиш завқли. Кўпгина ёш йигитлар ўзининг кераклигини уқтиришга уринадилар. Аммо Ромелу ундайлардан эмас. У қиммат ўйинчи, лекин димоғдор эмас. У ўйинашга ва ғалабаларга ташна", - дея Ҳоварднинг сўзларини келтиради ESPN.